" ແມ່ນໃຜແທ້ທີ່ເປັນຄົນບາບ "

… ຍັງມີພໍ່ອຸປາສົກຄົນໜຶ່ງຍ່າງຢູ່ບໍລິເວນຫາດຊາຍ ໄດ້ພົບເຫັນຄົນເຮືອກຳລັງລາກເຮືອຂອງຕົນ ອອກຈາກຫາດຊາຍລົງສູ່ແມ່ນ້ຳ ເພື່ອທີ່ຈະໄປຮັບຜູ້ໂດຍສານ
... ຍາມນັ້ນກໍ່ພໍດີມີອາຈານເຊນຍ່າງຜ່ານມາ ອຸປາສົກຜູ້ນີ້ຈິ່ງເຂົ້າໄປຖາມອາຈານເຊນວ່າ ທ່ານອາຈານເມື່ອກີ້ຄົນເຮືອລາກເຮືອຈາກຫາດຊາຍລົງໄປແມ່ນ້ຳ ເພື່ອຮັບຜູ້ໂດຍສານ ເຮັດໃຫ້ບັນດາປູ ປາ ກຸ້ງ ຫອຍ ຖືກເຮືອທັບຕາຍເປັນຈຳນວນຫຼວງຫຼາຍ ຖ້າຕົກຢູ່ໃນກໍລະນີແບບນີ້ ບາບກຳຈະເປັນຂອງໃຜລະຫວ່າງຄົນເຮືອ ແລະ ຜູ້ໂດຍສານ.
• ອາຈານເຊນກໍ່ຕອບວ່າ "ບາບບໍ່ໄດ້ຕົກຢູ່ທີ່ຄົນເຮືອ ຫຼື ຜູ້ໂດຍສານດ໋ອກ"
• ອຸປາສົກເຮັດສີໜ້າແບບງງົງແລະອຸທານອອກມາວ່າ " ອ໋າວຖ້າເຊັ່ນນັ້ນແລ້ວບາບຈະຕົກເປັນຂອງໃຜລະທ່ານອາຈານ "
• ອາຈານເຊນ : ບາບກຳນັ້ນຈະຕົກຢູ່ກັບຕົວທ່ານ ເພາະຄົນເຮືອເຂົາທຳງານສຸດຈະຣິສເພື່ອຫາລ້ຽງຊີບ ສ່ວນຜູ້ໂດຍສານກໍ່ມີຈຸດປະສົງຈະຂ້າມແມ່ນ້ຳ ປູ ປາ ກຸ້ງ ຫອຍ ລີ້ຊ້ອນຕົວຢູ່ແຄມຫາດຊາຍຈິ່ງຖືກເຮືອທັບຕາຍ ກຳບໍ່ໄດ້ເປັນພຽງແຕ່ສອງຝ່າຍແຕ່ເປັນສາມຝ່າຍ ທັງຄົນເຮືອ, ຜູ້ໂດຍສານ ແລະສັດ ຈະຖືເປັນບາບຂອງຝ່າຍໃດໜຶ່ງແມ່ນເປັນໄປບໍ່ໄດ້ ເພາະທັງສາມຝ່າຍລ້ວນແລ້ວແຕ່ໄຮ້ຈິດ (ບໍ່ມີເຈຕະນາ)... ບາບກຳເກີດຈາກຈິດ ເມື່ອໄຮ້ຈິດກໍ່ບໍ່ເປັນບາບ ແຕ່ອຸປາສົກມີເຈຕະນາເພື່ອຫາຜິດ ເມື່ອອຸປາສົກມີຈິດເຈຕະນາ ບາບກຳຈິ່ງຕົກເປັນຂອງທ່ານອຸປາສົກ.

ຄວາມບັງເອີນ

... ມື້ນີ້ໄດ້ມີໂອກາດໄປວັດຄູບາເພີ່ນກໍ່ເລີຍເທດສອນມາຫຼາຍຢ່າງເລີຍ ໃນັນ້ນເພີ່ນໄດ້ສອນກ່ຽວກັບ ການສ້າງຄຸນງາມຄວາມດີ ເພີ່ນວ່າເຮັດບໍ່ຍາກວ່າຊັ້ນ ເຮັດແລ້ວຈິດໃຈເຮົາຈະເປັນສຸກຊັ້ນເດ.

... ພໍລາກັບຈາກເພີ່ນແລະອອກຈາກວັດມາກໍ່ມາເຈີກັບສິ່ງທີ່ເຫັນນີ້ລະ ບາງຄົນຍັງສົງໃສວ່າ ເອ໋... ຂະເຈົ້າເຮັດຫຍັງກັນ ! ແຕ່ທີ່ຈິງແລ້ວຍິງຄົນທີ່ນຸ່ງໂສ້ງແດງນອນຢູ່ກັບພື້ນນັ້ນ ລາວນັ່ງຢູ່ດີໆກໍ່ເປັນລົມລົ້ມລົງໝົ້ດສະຕິ, ຫົວໃຈຢຸດເຕັ້ນເມື່ອເປັນເຊັ່ນນັ້ນ ຊາຍທີ່ມານຳກັນກັບລາວນັ້ນກໍ່ເຂົ້າໄປປ້ຳຫົວໃຈໃຫ້ລາວຈົນຫົວໃຈລາວເລີ່ມເຕັ້ນແລະຫາຍໃຈໄດ້ ແຕ່ຍັງໝົດສະຕິຢູ່

... ຂພຈ ອອກຈາກວັດມາເຫັນກໍ່ເລີຍເຂົ້າໄປເບີ່ງ ແລ້ວກໍ່ຈົກເອົາໂທລະສັບອອກມາ ຖ່າຍຮູບສຽງດັງແກັບບາດໜຶ່ງ ທັນໃດນັ້ນກໍ່ມີສຽງດັງຮ້ອງມາໃສ່ຂ້ອຍວ່າ " ຄົນສິເປັນສິຕາຍ ຍັງມີອາລົມມາຖ່າຍຮູບເສຍຫວະ " ສຽງນັ້ນເຮັດໃຫ້ຂ້ອຍສະດຸ້ງຄິດເຫັນຄຳສອນຂອງຄູບາເພີ່ນທີ່ເພີ່ນສອນເຮົາມາ ຂພຈກໍ່ເລີຍຄິດອອກວ່າເອີໄດ້ໂອກາດແລ້ວລະ ເຮົາໜ້າຈະເຮັດສິ່ງໃດສິ່ງໜຶ່ງເພື່ອຊ່ອຍເຫຼືອສັງຄົມ

... ເມື່ອຄິດໄດ້ແນວນີ້ ຂພຈ ກໍ່ເລີຍແລ່ນອອກໄປລັດລົດແລ້ວກໍ່ພາໄປຫາຄົນເຈັບ ຈາກນັ້ນກໍ່ຊ່ອຍອຸ້ມເອົາຄົນເຈັບຂື້ນລົດໄປໂຮງໝໍ ພຽງເທົ່ານີ້ເອ໋ຄວາມດີຄືມາສ້າງງ່າຍແທ້ ເໝືອດັັ່ງຄຳເວົ້າຄູບາເພີ່ນວ່າອິຫຼີ ຄວາມດີສ້າງບໍ່ຍາກ.

... ດັ່ງນັ້ນ, ຂພຈຈິ່ງຢາກຟາກໆໃຫ້ພາກັນຫັນມາສ້າງຄວາມດີເພື່ອຊ່ອຍເຫຼືອສັງຄົມກັນແດ່ ຫາກເຮົາບໍ່ເປັນຄົນດີແລ້ວສິໃຫ້ຄົນອື່ນມາເປັນຄົນດີແທນມັນກະເປັນໄປບໍ່ໄດ້ ຕ້ອງໄດ້ຊ່ອຍໆກັນເປັນຄົນດີແລ້ວໂລກນີ້ຈິ່ງຈະໄດ້ມີຄົນດີຫຼາຍຂື້ນ ^ ຂອບໃຈ ^.

" ຊີວິດເດັກເສີບ "

ແຕ່ງເພງ " ຊີວິດເດັກເສີບ "

•  ຊີວິດຂອງຂ້າ................................ ເກີດມາສູ້ງານແລກເງິນ

ຈະຕ້ອງປະເຊີນ.......................................... ກັບບັນຫາທີ່ ສາລະພັດ

ໄປວຽກບໍ່ທັນ............................................. ມີບາງວັນກໍ່ຖືກຕັກເຕືອນ

ບາງວັນຖືກຕັດເງິນເດືອນ....................... ເຄື່ອງກໍ່ເປື້ອນ ໃສ່ຊຸດເກົ່າໆ

• ເຮືອນເຊົ່າເຂົ້າຊື້........................... ບໍ່ຄືຄົນເຂົາລວຍລ່ຳ

ເຮັດວຽກແຕ່ເຊົ້າຈົນຄ່ຳ.......................... ຈ່າຍຄ່ານ້ຳ ຄ່າໄຟ ຫ້ອງເຊົ່າ

ຄວາມຮູ້ບໍ່ມີ............................................. ຫາງານດີໆມັນຍາກເດີ້ສາວ

ຕ້ອງກາຍເປັນເດັກເສີບເຂົາ.................. ຕ້ອງທົນເອົາກັບສຽງຈົ່ມວ່າ

• ຍາມແຂກເຂົ້າຮ້ານ.................. ເຮົານັ້ນວິ່ງເຕັ້ນເຕັມທີ່

ເສີບອາຫານ ເຫຼົ້າເບຍ ຈອນນີ.............. ວິສກີ ເບຍລາວ ໂຊດາ

ເຂົາເປັນຄົນກີນ................................... ອາຫານຍຸພີນກີນກັບສຸລາ

ທາງເຮົາກີນແຕ່ນ້ຳລ້າ......................... ແລ້ວກັບມາມ້ຽນຖ້ວຍມ້ຽນຈານ

• ເຖິງຍາມເຊັກບີນ................... ໃບບີນເປັນເງິນກ້ອນໃຫຍ່

ເຂົາຈົກເງິນຈ່າຍ.................................. ເຮົານັ້ນຈົນຕົກຕະລຶງ

ເງິນເດືອນຂອງເຮົາ............................. ທຽບກັບຄາບເຂົ້າເຂົາ ບໍ່ໄດ້ເຄິ່ງໜຶ່ງ

ຈົນເຮົາຢືນຊຶງຕັ້ງເຫິງ........................ ໄດ້ແຕ່ແນມເບີ່ງ ເງິນເຂົາກ້ອນໃຫຍ່.

      =>  ນີ້ລະຊີວິດຂອງຄົນທີ່ມີຄວາມຮູ້ຕ່ຳ ເຖິງຈະເຮັດວຽກແຕ່ເຊົ້າຈົນຄ່ຳເງິນກະຍັງບໍ່ພໍຈ່າຍ ໃຜເດນໍຈະມາເຫັນໃຈ ຂໍຝາກໆໄປຍັງບັນດານ້ອງໆ ອ້າຍໆ ຫຼື ມິດສະຫາຍດ້ວຍກັນ ຈົ່ງພະຍາຍາມຮຽນໃຫ້ເກັ່ງແລະໃຫ້ຈົບ ຊີວິດກໍ່ຈະໄດ້ມີຄ່າກວ່ານີ້ ເມື່ອມີການສຶກສາສູງສິໄປຫາງານດີໆນັ້ນມັນບໍ່ຍາກດອກທ່ານເອີຍ ຂພຈ ຕອນນີ້ກໍ່ອົດທົນຊົນສູ້ກັບຊີວິດອີຫຼີ ໂດຍເຮັດວຽກທຸກຢ່າງເພື່ອໃຫ້ໄດ້ເງິນມາ (ຍົກເວັ້ນສິ່ງທີ່ຜິດກົດໝາຍແລະວັດທະນະທຳ) ໂດຍບໍ່ຄຳນຶງເຖິງໜ້າຕາ ກຽດ ສັກສີ ຂໍພຽງມີເງິນໃຫ້ແລ້ວພໍ ຄິດແຕ່ວ່າຍາມທຸກຍາມຍາກ ບໍ່ມີໃຜຮູ້ຈັກເຮົາດ໋ອກ ຖ້າຮູ້ກໍ່ຕອນເຮົາຮັ່ງມີພຸ້ນລະ ແລ້ວເຮົາສິໄປແຄຫຍັງກັບກຽດ ສັກສີ ເມື່ອບໍ່ມີຄົນຮູ້ຈັກ ຢ່າພາກັນໄປອາຍເລີຍ ຈົ່ງອົດທົນຕໍ່ສູ້ກັບມັນເພື່ອວັນໜຶ່ງຂ້າງໜ້າ... 

               ..... ຂໍຝາກຮ້ານຂອງເຮົາແດ່ເດີ້ ຮ້ານອາຫານສະບາຍດີ ຊາບູ ຊາບູ ຕັ້ງຢູ່ຖະໜົນສາມແສນໄທ ບ້ານຫາຍໂສກ ເມືອງຈັນທະບູລີ ຮ້ານຂອງເຮົາຕິດກັບວັດບາງລອງຫັ້ນລະ ຫາກໄດ້ໄປໄດ້ມາກໍ່ພາກັນໄປແວ່ອຸດໜູນຊ່ອຍແນ່ເດີ້ ແລະນີ້ເຟດຂອງຮ້ານ  www.facebook.com/SabaideeShabuShabu

" ຂໍໂທດ VS ໃຫ້ອະໄພ " 2 ຄຳສັ້ນໆແຕ່ມີຄວາມໝາຍ

 ... ຄົນເຮົາບໍ່ວ່າຈະຢູ່ທີ່ໃດ ສັງຄົມໃດກໍ່ຕາມ ຍ່ອມມີການກະທົບກະແທກກັນເປັນທຳມະດາ ແລະຜົນຂອງການກະທົບກະແທກກັນ ຍ່ອມເຮັດໃຫ້ຄູ່ກໍລະນີເກີດຄວາມບໍ່ພໍໃຈ ໂກດແຄ້ນ ແລະກາຍມາເປັນສັດຕູກັນໃນທີ່ສຸດ ຫາກເປັນເຊັ່ນນີ້ທັງສອງຝ່າຍຍ່ອມເກີດການອາຄາດ ພະຍາບາດກັນແນ່ນອນ ແຕ່ຫາກທັງສອງຝ່າຍຮູ້ຈັກ " ຂໍໂທດ ແລະໃຫ້ອະໄພ " ຄວາມໂກດແຄ້ນເຫຼົ່ານີ້ຍ່ອມໝົດໄປ

.... ຄຳວ່າ " ຂໍໂທດແລະໃຫ້ອະໄພ " ເປັນສິ່ງທີ່ເຮັດຍາກ ເພາະມັນຕ້ອງມາຈາກການໃຫ້ອະໄພແບບບໍ່ມີເງື່ອນໄຂ ຫຼື ຂໍ້ແມ້ໃດໆ ບາງຄົນອາດຈະບອກວ່າຫາກຂໍໂທດແລະໃຫ້ອະໄພ ຈະເປັນການເສຍສັກສີ ຫຼື ກາຍເປັນຜູ້ແພ້

... ແຕ່ທີ່ຈິງແລ້ວມັນບໍ່ແມ່ນແນວນັ້ນ ຖ້າເຮົາຮູ້ຈັກໃຫ້ອະໄພແລະຂໍໂທດ ເຮົາຈະເປັນຜູ້ຊະນະຕ່າງຫາກ ຊະນະໃນທີ່ນີ້ກໍ່ຄືຊະນະຕົວເອງ ແລະເປັນຜູ້ກ້າຫານ ທີ່ເຮົາຍອມຮັບຄວາມຜິດນັ້ນໄດ້ ແລ້ວກໍ່ຍອມຂໍໂທດໃນສິ່ງທີ່ເຮົາເຮັດລົງໄປ.

.... ການກ່າວຄືຂໍໂທດບໍ່ແມ່ນສິ່ງທີ່ໜ້າລະອາຍ ເພາະການສະແດງຄວາມກ້າຫານຮັບຜິດຊອບ ຍອມຮັບຄວາມຜິດພາດຂອງຕົນ ກົງກັນຂ້າມຫາກເຮັດຜິດແລ້ວບໍ່ຍອມຮັບຄວາມຈິງ ເພື່ອຫວັງປິດບັງບໍ່ໃຫ້ໃຜຮູ້ ມັນເປັນພຶດຕິກຳທີ່ໜ້າລະອາຍ... ດັ່ງນັ້ນຈິ່ງຈຳເປັນຕ້ອງຂໍໂທດທຸກຄັ້ງ ເມື່ອຕົນເອງໄດ້ທຳຜິດ.

~ລອງມາເປີດໃຈໃສ່ກັນເບີ່ງດຸໂລກນີ້ຄືສິເປັນຕາຢູ່ຫຼາຍຂື້ນ~

... ມັນຄົງເປັນເລື່ອງທີ່ໜ້າເສົ້າຫາກຄົນເຮົາຕ້ອງບິດບຽນຄວາມຈິງໃນໃຈ ແລ້ວຫັນໄປໃສ່ໜ້າກາກເຂົ້າຫາກັນ ຊີວິດກໍ່ມີແຕ່ຄວາມວາດລະແວງ ພາໃຫ້ຢູ່ບໍ່ເປັນສຸກ ເຖິງຈະສຸກກໍ່ເປັນຄວາມສຸກທີ່ຈອມປອມ ຫາຊື່ນຊົມໃຈໄດ້ຍາກ. 

... ມາໆ ເຮົາລອງມາຖອດໜ້າກາກອອກດີບໍ່ ? ຈິ່ງຈະບໍ່ໄດ້ວາດລະແວງຕໍ່ກັນອີກ ຈະເປັນຫຍັງໄປຫາກວ່າຄົນອື່ນ ຈະອ່ານສາຍຕາຂອງເຮົາໄດ້ ຫຼື ແມ້ກະທັ້ງມອງທະລຸເຂົ້າໄປຮອດຫົວໃຈຂອງເຮົາ ເພາະເມື່ອໃດກໍ່ຕາມທີ່ເຮົາບໍ່ໄດ້ປິດບັງ, ອຳພາງ, ບໍ່ຕ້ອງວາງທ່າທີ ຫຼື ເລ່ຫ່ຽມໃດໆອອກມາ.

.... ເມື່ອນັ້ນໃຈຂອງເຮົາຈະໄດ້ມີພະລັງຢ່າງເຕັມທີ່ ທີ່ຈະສ້າງສັນສິ່ງດີໆໃຫ້ມັນເກີດຂື້ນ ແລ້ວເຮົາກໍ່ຈະໄດ້ຄົ້ນພົບພະລັງແຫ່ງຄວາມຈິງໃຈ ມັນເປັນພະລັງທີ່ເກີດຂື້ນຢ່າງລຽບງ່າຍ ເປັນທຳມະຊາດ ແຕ່ມີອານຸພາບເຫຼືອປະມານ.

.... ສະນັ້ນບໍ່ຕ້ອງໄປຢ້ານເລີຍທີ່ຈະເປັນຄົນຈິງໃຈ ເປັນຄົນຊື່ໆ ໃສໆ ປາກກັບໃຈຕົງກັນ ເຖິງເຮົາຈະບໍ່ເກັ່ງ ບໍ່ດີ ບໍ່ເດັ່ນ ບໍ່ໄດ້ເປັນຄົນສຳຄັນ ຂໍພຽງເຮົາມີຄວາມຈິງໃຈຕໍ່ກັນ ໂລກນີ້ກໍ່ຈະມີແຕ່ຄວາມສຸກແລະໜ້າຢູ່ແລ້ວ

Avast Antivirus 7ພ້ອມຄີທີ່ໃຊ້ໄດ້ 2038 ປີ

ຕາມທີ່ວ່າຫັ້ນລະ ຫາກໃຜຕ້ອງການຈະເອົາໄປໃຊ້ກໍ່ໃຫ້ກົດເຂົ້າໄປຕາມລິ້ງນີ້ເລີຍ ເພື່ອດາວໂຫຼດເອົາໂປຣແກຣມ ດາວໂຫຼດ Link ຂພຈ ໃຊ້ມາແລ້ວເຫັນວ່າໃຊ້ດີກໍ່ເລີຍເອົາມາແບ່ງປັນ ນີ້ຕົວຢ່າງຮູບພາບ 


                    key : W6754380R9978A0910-4TZ59467
                            C4545542R9974A0910-UDU29VS1 
                    ວີດີໂອ : http://www.youtube.com/watch?v=sCk1ds8sfPE

ກຳລັງໃຈຝາກເຖິງໃຜບາງຄົນ

•  ເມື່ອມີຮ້ອນ                           ກໍ່ມີເຢັນເປັນເຄື່ອງແກ້

ມີມຶດແທ້                                             ແລ້ວກໍ່ມີເວລາສະຫວ່າງ

ເຖິງຟ້າຄື້ມ                                          ມົວຝົນທຸກຫົນທາງ

ເມື່ອເມກຈາງກໍ່ຈະກັບ                         ເຫັນແສງຈັນ

• ເຊື່ອວ່າເຮົາທຸກຄົນ                 ເຄີຍທຸກຍາກ

ແມ້ລ້ຳບາກເທົ່າໃດ                        ກໍ່ບໍ່ຫວັ່ນ

ມີກຳລັງໃຈໄວ້ໃຫ້ດີ                                 ຢ່າໝີມັນ

ຮ່ວມຟາດຟັນອຸປະສັກ                         ໃຫ້ສີ້ນໄປ.

         => ອາຈານຄົນໜຶ່ງເລີ່ມການສົນທະນາໃນຊັ້ນຮຽນ ໂດຍຍົກທະນະບັດໃບ 100.000 ກີບອອກມາ ແລ້ວຖາມນັກສຶກສາວ່າ " ມີໃຜຢາກໄດ້ບໍ່ " ທຸກຄົນຍົກມືຂື້ນ ອາຈານຍ່ອງທະນະບັດນັ້ນຈົນຍໍ່ ແລ້ວຖາມນັກສຶກສາອີກວ່າ " ມີໃຜຍັງຢາກໄດ້ທະນະບັດໃບນີ້ອີກບໍ່ " ທຸກຄົນຍັງຍົກມືຂື້ນເໝືອນເດີມ.

        ...... ອາຈານຖາມຕໍ່ໄປອີກວ່າ " ຖ້າສົມມຸດວ່າທະນະບັດໃບນີ້ຕົກຢູ່ກັບພື້ນ ແລ້ວມີຄົນຢຽບຢ່ຳຈົນເປື້ອນຈົນສົກກະປົກ ແລ້ວຍັງມີໃຜຢາກໄດ້ອີກບໍ່ " ນັກສຶກສາທຸກຄົນກໍ່ຕອບວ່າຢາກໄດ້.

        ...... ອາຈານຈິ່ງກ່າວສະຫຼຸບວ່າ " ນີ້ຄືສິ່ງທີ່ມີຄ່າທີ່ພວກເຈົ້າໄດ້ຮຽນຮູ້ໃນມື້ນີ້ ! ບໍ່ວ່າພວກເຈົ້າຈະເຮັດຫຍັງກັບທະນະບັດໃບນີ້ ມັນກໍ່ມີລາຄາ 100.000 ກີບຢູ່ຄືເກົ່າ

        ..... ຊີວິດເຮົາກໍ່ເໝືອນກັນ ບາງຄັ້ງເຮົາຮູ້ສຶກວ່າຖືກທອດຖີ້ມໃຫ້ຢູ່ຄົນດຽວ ຖືກໃຜຕໍ່ໃຜຊ້ຳເຕີມ ຢຽບຢ່ຳ ຢ້ຳຢີຈົນຢັບເຢີນ ເພາະຄວາມຜິດພາດໃນການກ້າວເດີນຂອງຊີວິດ  ຈົນເຮັດໃຫ້ເກີດຮູ້ສຶກວ່າຕົນເອງ " ໄຮ້ຄ່າ "ແຕ່ຫາຮູ້ບໍ່ວ່າບໍ່ວ່າສິເກີດອິຫຍັງຂື້ນ " ເຮົາກໍ່ຍັງມີຄຸນຄ່າຂອງຄວາມເປັນຄົນ "

        ..... ບໍ່ວ່າຕົວເຮົາຈະສະອາດຫຼືສົກກະປົກກໍ່ຕາມ ຕົວເຮົາກໍ່ຍັງມີຄ່າທີ່ສຸດສະເໝີ້ຈື່ໄວ້ເດີ້ ຫາກໃຜຍັງເຈີກັບບັນຫາກໍ່ຈົ່ງຢ່າພ້າວຍອມແພ້ເດີ້ ຈົ່ງລຸກຂື້ນມາແກ້ແລະຕໍ່ສູ້  ຈະຄອຍເປັນກຳໃຈໃຫ້...! ສູ້ໆໆໆໆໆໆ.