ເຮຮາ A - I

A :  ເຮ..! ນັ້ນຄົນບ້າ
B :  ຫະ..! ແມ່ນໃຜຕັດຫຍ້າ
C :  ໃສໆໆ..! ຄວາຍລີດຜ້າ
D :  ຫັ້ນເດ..! ຖ້ວຍມາມ່າ
E :  ເຫັນແຫຼະ..! ນົມອາມ່າ
F :  ອໍ..! ຮ້ອຍແປດທ່າ
G :  ແມ່ນແລ້ວ..! ຮານາກ້າ
H :  ຮວຍ..! ຍາມາຮ່າ
I :  ແຮະໆ..! ຄົນອ່ານບ້າ

ບົດເພງ : ຖາມຂ່າວສາວ ມ.ຊ

•     ນ້ອງຈາກບ້ານມາ                ທົ່ງນາບ້ານເຮົາງຽບເຫງົາ
  

ແຕ່ກ່ອນມີອ້າຍແລະເຈົ້າ                    ເຄີຍຢອກເຢົ້າ   ກັນຫຼີ້ນທົ່ງນາ
ກ່ອນໄປສຶກສາ                               ນ້ອງໃຫ້ສັນຍາ   ບໍ່ລືມບ້ານປ່າ
ຍາມແລງລົງມາ                              ຕາເວັນຫຼັບຟ້າ   ຄິດຮອດນ້ອງສາວ.

•     ນ້ອງເຂົ້າມ.ຊ                      ເປັນຈັ່ງໃດນໍ   ນາລີ
  

ຈາກຖິ່ນບ້ານເຮົາຫຼາຍປີ                    ມິດຈີ່ລີ່   ບໍ່ຮູ້ຂ່າວຄາວ
ສະບາຍດີຢູ່ບໍ                                 ນ້ອງສາວມ.ຊ   ຢ່າລືມແຟນເກົ່າ
ຢ່າລືມອາຫານບ້ານເຮົາ                    ແຈ່ວປາເຕົາ   ພັນຜັກກະໂດນ.

•     ຫາກມີເວລາ                       ຫວນນ້ອງຄືນມາ   ເຢືອນຖິ່ນເກົ່າ
  

ຊຸມພໍ່ເຖົ້າແມ່ເຖົ້າ                              ຍັງລໍຄອຍເຈົ້າ   ຢູ່ທຸກຄົນ
ຢ່າໄປລັບໄປລາ                               ຕາມສັນຍາ   ວ່າສິບໍ່ດົນ
ພີ່ນ້ອງປ້ອງປາຍທຸກຄົນ                     ຄອງຄອຍໜ້າມົນ   ດ້ວຍຄວາມຫ່ວງໃຍ.

•     ຈົບການສຶກສາ                    ໄດ້ປະຣີນຍາ   ຄືນຖິ່ນຖານ
  

ຢ່າລືມເດີ້ຄຳສາບານ                        ຄືນຖີ່ນຖານບ້ານເກີດເຮົາໄດ໋
ຢ່າເຫັນແກ່ເງິນເບ້ຍ                          ຢ້ານແຕ່ອາເສ່ຍ   ມາລໍ້ເອົາໃຈ
ຕົວະກີນຈົນຮອດພາຍໃນ                   ແລ້ວຖີ້ມນ້ອງໄປ   ອ້າຍເປັນຫ່ວງນຳ.

=> ຂໍມອບເພງນີ້ໃຫ້ແກ່ທຸກໆຄົນ ທີ່ໜີຈາກບ້ານເກີດເມືອງນອນມາເພື່ອການສຶກສາ ຫາກມີເວລາກໍ່ຄວນກັບໄປ ຖີ່ນຖານບ້ານເກີດຂອງຕົວເອງແດ່ເດີ້ ຍັງມີຫຼາຍໆຄົນທີ່ກຳລັງລໍຄອຍເຈົ້າຢູ່ ມີຫຍັງກະສົ່ງຂ່າວຄາວໄປໃຫ້ທາງ ບ້ານຂະເຈົ້າຮັບຮູ້ນຳ ຂະເຈົ້າເປັນຫ່ວງຢ້ານວ່າມາຮຽນລະຕິດແນວບໍ່ດີ ສິເຮັດຫຍັງກໍ່ຄວນຄິດໃຫ້ດີໆ ເພາະເຈົ້າ ຍັງມີຫຼາຍໆຄົນ ທີ່ຄິດຮອດ ແລະ ລໍຖ້າເຈົ້າຢູ່ທາງບ້ານ....! (^_^) !

ການໃຫ້ອະໄພທີ່ຖືກລືມ

ຢູ່ນຳກັນກໍຄວນຮັກແພງກັນແມ່ນບໍ ?
ຄົນເຮົານີມັກມີພຶດຕິກຳແປກໆເນາະ
ເຫັນເຂົານຸ່ງເສື້ອສີຂາວ…ສີຂາວເຕັມທັງຫມົດຜືນເລີຍ
ແຕ່ຖ້າມີຈຸດໃດຈຸດຫນຶ່ງດຳຢູ່ຈຸດດຽວ
ເວລາເຮົາເບິ່ງເສື້ອນີ້ ເຮົາເບິ່ງຈຸດຂາວ ຫລືຈຸດດຳ ? ເບິ່ງຈຸດດຳ

ເຫັນບໍ່ວ່າ ?
ຄົນບາງຄົນສ້າງຄວາມດີມາເກືອບຕະຫລອດຊີວິດ..ມາເຮັດຜິດພາດເທື່ອດຽວ
ເຮົາໄປເວົ້າແຕ່ເລື່ອງຄວາມຜິດພາດຂອງລາວຕະຫລອດ
ປານວ່າລາວໄດ້ສ້າງແຕ່ຄວາມຊົ່ວຕະຫລອດຊີວິດຂອງລາວ
ເຮົາກັບບໍ່ເວົ້າເລື່ອງລາວຄວາມດີຂອງລາວທີ່ສ້າງມາເກືອບທັງຫມົດຊີວິດ
ເວລາເຮົາເຮັດຄວາມຜິດ….ເຮົາຢາກໃຫ້ຄົນອຶ່ນເຫັນໃຈເຮົາ
ແຕ່ເວລາຄົນອຶ່ນເຮັດຜິດ...ເຮົາກັບລືມທີ່ຈະເຫັນໃຈເຂົາ
ເວລາເຮົາເຮັດຄວາມຜິດ….ເຮົາຢາກໃຫ້ຄົນອຶ່ນໃຫ້ອະໄພເຮົາ
ແຕ່ເວລາຄົນອຶ່ນເຮັດຜິດ...ເຮົາກັບລືມທີ່ຈະໃຫ້ອະໄພເຂົາ

ຂົງເບັ້ງເຄີຍກ່າວໄວ້ວ່າ:
‘’ເມື່ອຄົນໃຊ້ມືຈົກລົງໄປໃນຂຸມ…ແຕ່ຈົກບໍ່ຮອດກົ້ນຂຸມ
ກໍມັກໂທດວ່າຂຸມນັ້ນເລິກ...ບໍ່ເຄີຍຄິດວ່າມືໂຕເອງສັ້ນ ‘’
ຄືດັ່ງຫມູ່ຂ້ອຍທ້າວພູສີ …ລາວເປັນນັກສຶກສາມາຈາກປາກເຊ ຮູບຮ່າງເຕ້ຍ
ຫລັງຈາກໄປຊື້ໂສ້ງທີ່ຕະຫລາດກັບມາ…ລາວຈົ່ມວ່າໂສ້ງນັ້ນຂາຍາວໂພດ
ກັບບໍ່ຄິດໂທດວ່າຕົນເອງຂາສັ້ນ…ແມ່ນບໍ່ລະ ?

ການເບິ່ງໂລກໃນແງ່ດີ

ການທີ່ເຮົາເບິ່ງໂລກດ້ວຍຈິດໃຈທີ່ໃສສະອາດ…ໂລກທັງໂລກມັນກໍໃສສະອາດ…ແມ່ນບໍ່ ?
ມັນຂຶ້ນຢູ່ກັບໃຈເຮົາທີ່ເລືອກສິເບິ່ງໂລກໃນແງ່ມຸມໃດ..ມັນບໍ່ໄດ້ຂຶ້ນຢູ່ກັບໂລກ…ໂລກມັນເປັນແນວໃດ..ມັນກໍເປັນຂອງມັນແນວນັ້ນແລະ ບໍ່ປ່ຽນແປງຫຍັງ..ມັນຂຶ້ນກັບໃຈເຮົາຕ່າງຫາກທີ່ສິເລືອກເບິ່ງໂລກໃນມຸມໃດ…
ເຮົາມັກເຫັນສື່ຕ່າງໆດັ່ງປະເທດພື່ອນບ້ານອອກມາໃຫ້ເຫັນບໍ່ເວັ້ນແຕ່ລະວັນ ແລະເວົ້າວ່າ:
‘’ ພຣະທີ່ວັດບໍ່ດີ…ຄູອາຈານມັກດ່າ…ຜູ້ພິພາກສາມັກກິນສິນບົນ…ຫມໍມັກຂູດຮີດຄ່າຮັກສາປິ່ນປົວ…‘’
ແມ່ຕູ້ເຕືອນເຮົາໄວ້ວ່າ:
ບໍ່ມີພຣະບໍ່ດີດອກລູກ...ເພາະຄົນທີ່ບໍ່ດີບໍ່ແມ່ນພຣະ
ບໍ່ມີຄູອາຈານທີ່ມັກດ່າ…ເພາະຄົນທີ່ມັກດ່າບໍ່ແມ່ນຄູ
ບໍ່ມີຜູ້ພິສາທີ່ມັກກິນສິນບົນ…ເພາະຄົນທີ່ກິນສິນບົນບໍ່ແມ່ນຜູ້ພິພາກສາ
ບໍ່ມີຫມໍທີ່ຂູດຮີດຄ່າປິ່ນປົວດອກ…ເພາະຄົນທີ່ຂູດຮີດຄ່າປິ່ນປົວບໍ່ແມ່ນຫມໍ
ບໍ່ມີໃຜຜິດໃຜຖືກດອກລູກ ທຸກຄົນຕ່າງເປັນໄປຕາມຄັນລອງຂອງຕົນ

ຖ້າເຈົ້າພະຍາຍາມທີ່ຈະຄົ້ນຫາຄວາມຊົ່ວຂອງຄົນອຶ່ນ
ຄວາມຊົ່ວທັງຫມົດສິມາໂຮມຢູ່ຫົວເຈົ້າ
ປາກມີຫນ້າທີ່ເວົ້າ…ເຈົ້າສາມາດທີ່ຈະເລືອກໄດ້ລະຫວ່າງເວົ້າດີກັບເວົ້າຊົ່ວ
ໃຈມີຫນ້າທີ່ຄິດ...ເຈົ້າສາມາດທີ່ຈະເລືອກໄດ້ລະຫວ່າງຄິດດີກັບຄິດຊົ່ວ
ຢ່າເວົ້າຊົ່ວສິເປັນລາງປາກ…ຢ່າຄິດຊົ່ວສິເປັນລາງໃຈ
ສິເຮັດຫຍັງທຳຫຍັງກໍຕາມ…ຂໍໃຫ້ຄິດໃນສິ່ງທີ່ດີ…ເວົ້າໃນສິ່ງທີ່ດີ…ເຮັດໃນສິ່ງທີ່ດີ..
ຊີວິດຂອງເຮົາກໍຈັກໄປດ້ວຍດີ …ແມ່ນບໍ?