- ຄົນເຮົາຢູ່ຮ່ວມໂລກ ກ້ວາງໃຫຍ່ໄພສານ
ການດຳລົງຊີວິດ ແຕກຕ່າງກັນໄປເລີ້ອຍ
ບາງຄົນລວຍຫຼາຍລົ້ນ ບາງຄົນຈົນເຫຼືອທີ່
ທຸກບໍ່ມີບ່ອນເວົ້າ ເຂົານັ້ນກໍ່ແມ່ນຄົນ
- ເຖີງຈະຈົນເຄື່ອງໃຊ້ ວັດຖຸຄ່າເງີນຄຳ
ແຕ່ນ້ຳໃຈຄົນຈົນ ຜ່ອງໃສຄືແກ້ວ
ແສງແວວວາວໃສເຫຼືອມ ບໍລິສຸດທຸກຢ່າງ
ນາງຄົນງາມຢ່າໝີ່ນເວົ້າ ວ່າຄົນໄຮ້ສີ້ນຄ່າຄົນ
- ຕົ້ນໄມ້ລົ້ນຂ້າມໄດ້ ແຕ່ຄົນຢືນຢ່າມາຢ່ຳ
ຢ່າລວນລາມຫົວໃຈ ກຽດຊັງເປັນຄົນໄຮ້
ຫົວໃຈຍັງບໍ່ຢຸດເຕັ້ນ ລົມຫາຍໃຈຍັງມີຢູ່
ເລືອດເນື້ອມີເຊັ່ນເຈົ້າ ຂໍເຊົາເວົ້າຢ່າກ່າວເລີຍ
- ຄົນຈົນທຸກຄົນນັ້ນ ໃຫ້ຄິດວ່າເປັນຄົນ
ມີຊີວິດສັງຂານ ຮ່າງກາຍຄືເຈົ້າ
ເຂົາກໍ່ກີນທັງເຂົ້າ ຢ່າກ່າວກາຍດູໝີ່ນ
ຄຳນີນທາຈາກເຈົ້າ ຂໍເຊົາເວົ້າຢ່າກ່າວເລີຍ
- ທັງຄົນມີຫຼືທຸກນັ້ນ ສິດທິເທົ່າທຽມກັນ
ຢ່າແບ່ງປັນສັກສີ ຍົດຖາຊົນຊັ້ນ
ຄົນຄືກັນຢ່າຮ່າມເວົ້າ ດູຖູກກັນຢຽດຢ່ຳ
ເຖິງຕົວດຳໜ້າກ່ຳຮ້າຍ ເໜືອ - ໃຕ້ກໍ່ແມ່ນຄົນ
- ເຖິງບໍ່ມີທຸກຢ່າງພ້ອມ ສູ້ຢູ່ບໍ່ເຄີຍຖອຍ
ບໍ່ລໍຄອຍເດືອນດາວ ກ່າວສູງພຽງຟ້າ
ຄົນຈົນບໍ່ເຄີຍເວົ້າ ໃຫ້ສັງຄົມຂົມຂື່ນ
ມີຫົວໃຈໃຫຍ່ກວ້າງ ໃສເຫຼື້ອດັ່ງຄຳ.
ไม่มีความคิดเห็น:
แสดงความคิดเห็น